Victoria's Secret თავდაპირველად დაფუძნდა 1977 წელს როი რეიმონდის მიერ კალიფორნიაში, სან ფრანცისკოში. თავდაპირველად მან გახსნა მაღაზია სტენფორდის შოპინგ ცენტრში, სადაც იყიდებოდა მხოლოდ ქალის თეთრეული. მისი ვაჭრობა კარგად მიდიოდა, მაგრამ 5 წლის შემდეგ მან მიყიდა კომპანია ლესლი ვექსნერს 4 მილიონ დოლარად. Victoria's Secret სწრაფად გაფართოვდა ამერიკის სავაჭრო ცენტრებში 80-იან წლებში. კომპანია უკვე მზად იყო გამოეშვათ ფეხსაცმელი, საღამოს კაბები და სუნამოები.

1990 წლის დასაწყისში Victoria's Secret უკვე უდიდეს ამერიკულ კომპანიას წარმოადგენდა, რომლის მოგება 1 მილიარდს აღწევდა.ფეშენ შოუების გაკეთება Victoria's Secret-მა 1995 წლიდან დაიწყო. შოუზე მოდელები თეთრეულს წარმოადგენდნენ მუსიკის და გაფორმებების თანხლებით. შოუები იზიდავდა მრავალ სელებრითს.ამერიკაში Victoria's Secret-ის 1000-მდე მაღაზიაა და 100 დამოუკიდებელი სავაჭრო ცენტრი.

Victoria's Secret-ში იყიდება ასევე ნაქსოვი ტანსაცმელი, კოსმეტიკა, ღამის პიჟამები და სხვა.

კომპანია უშვებს 400 მილიონ კატალოგს წელიწადში და ასევე მოქმედებს ონლაინ მაღაზია, რომელიც საქართველოს რეგიონშიც აგზავნის ამანათებს.

2007 წლის 13 ნოემბერს Victoria's Secret გახდა პირველი სავაჭრო ნიშანი, რომელსაც ვარსკვლავი გაუხსნეს დიდების ხეივანში.