წყვილი მოხარულია, რომ 9 იანვრისთვის მაინც, როდესაც კეტრინს 30 წელი შეუსრულდება, ერთად ყოფნას შეძლებს
მომავალ წელს პრინცი უილიამი და კეტრინ მიდლტონი ერთმანეთს დაშორდებიან, საბედნიეროდ -მხოლოდ მცირე ხნით: წყვილი ერთმანეთს 2 თვის განმავლობაში ვერ შეხვდება, რადგან 29 წლის უილიამი ბრიტანეთის სამხედრო საჰაერო ძალების შემადგენლობაში, ფოლკლენდის კუნძულებზე სამაშველო ვერტმფრენის პილოტად იმსახურებს.
ექვსთვიანი სამსახური პრინცის პროფესიონალური სამხედრო სწავლების დასკვნითი ნაწილია. წყვილი მოხარულია, რომ 9 იანვრისთვის მაინც, როდესაც კეტრინს 30 წელი შეუსრულდება, ერთად ყოფნას შეძლებს, რადგან ადრე არსებული ინფორმაციის თანახმად, უილიამის მივლინება სწორედ ცოლის დაბადების დღეს ემთხვეოდა.
იძულებით განშორებამდე სამეფო წყვილი მაღალი საზოგადოების ღონისძიებებში აქტიურად მონაწილეობს. ამ დღეებში კემბრიჯის ჰერცოგი და ჰერცოგინია შტ ჟამეს-ის სასახლეში საქველმოქმედო ვახშამს დაესწრნენ, რომლის შემოსავალი სტაფორდშირის ეროვნულ მემორიალურ პარკს მოხმარდება; რამდენიმე დღით ადრე კი კოპენჰაგენში Supply Division-ის UNICEF-ის ცენტრი მოინახულეს.
|