მთავარი » 2011 » დეკემბერი » 1 » ბრიტნი სპირსს რუსი მუსიკოსი სიმღერის ქურდობაში ადანაშაულებს.
6:28 PM ბრიტნი სპირსს რუსი მუსიკოსი სიმღერის ქურდობაში ადანაშაულებს. |
ამერიკელ პოპ-ვარსკვლავ ბრიტნი სპირსს, რუსი მუსიკოსი სიმღერის ქურდობაში ადანაშაულებს. იულია სარფონოვა, რომელიც ბავშვთა მუსიკალურ სტუდიას ხელმძღვანელობს, აცხადებს, რომ სპირსის ახალი ჰიტი Criminal მისი სიმღერის ზუსტი ანალოგია. სარფონოვამ ის საბავშვო მიუზიკლისთვის დაწერა და რამდენიმე ფესტივალზეც გაიტანა.
”ბავშვებიც კი ხვდებიან, რომ ბრიტნი სპირსი მათ სიმღერას მღერის. სიმღერაში პრაქტიკულად არაფერია შეცვლილი, ტონალობაც იგივეა. ჩემი პრეტენზია სპირსის პროდიუსერებს გავაცანი, მაგრამ ვერაფერს ვუმტკიცებ. მეკითხებიან, სად შეიძლებოდა მოგვესმინა თქვენი სიმღერაო. ამერიკაში არ გვიმღერია, მაგრამ მიუზიკლი რამდენიმე საერთაშორისო ფესტივალზე წარვადგინეთ, სადაც სხვა ქვეყნის წარმომადგენლებიც ესწრებიან. ყველამ იცის, რომ ასეთ ფესტივალებს ესწრებიან ადამიანები, რომლებიც ახალ მელოდიებს ეძებენ და მათი გადამუშავებული ვარიანტებით ვაჭრობენ”, - აცხადებს სარფონოვა.
სამართლიანობის აღსადგენად და მორალური ზიანის ასანაზღაურებლად ის რუსეთის პირველ პირებს, დიმიტრი მედვედევსა და ვლადიმერ პუტინს თხოვს დახმარებას.
”ამერიკულ შოუ-ბიზნესს რუსი მუსიკის მასწავლებელი მარტო ვერ დავუპირისპირდები. სასამართლო დავები აშშ-ში უნდა გაიმართოს, რასაც ვერ გავწვდები. პუტინსა და მედვედევს უკვე მივმართე, სხვა არაფერი შემიძლია”, - აცხადებს რუსი პედაგოგი.
სიმღერა Criminal ბრიტნი სპირსის მეშვიდე ალბომში Femme Fatale-შია შესული, რომელიც გაყიდვაში 2011 წლის მარტში გამოვიდა.
|
|
კატეგორია: World News |
ნანახია: 765 |
დაამატა: poppy
| რეიტინგი: 5.0/1 |
კომენტარის დამატება შეუძლიათ მხოლოდ დარეგისტრირებულ მომხმარებლებს [ რეგისტრაცია | შესვლა ] |
| სტატისტიკა |
სულ ონლაინში: 1 სტუმარი: 1 მომხმარებელი: 0 |
|
