გასულ კვირას მომღერალმა კეტი პერიმ ერთ-ერთ ამერიკულ თოქ-შოუში განაცხადა, რომ ბავშვის გაჩენას აპირებს, თუმცა პოპ-ვარსკვლავის მეგობრები ამბობენ, რომ პერი ქმარს ეყრება.
პერის უახლოესი გარემოცვის წევრთა თქმით, მომღერალი ძალიან დაუახლოვდა მუსიკოს ტორ ნისენს, რომელიც მასთან ერთად ტურნე California Dreams-ის დროს მუშაობდა. სწორედ მას გაუმხილა კეტიმ, რომ პირად ცხოვრებაში პრობლემები აქვს.
"ტორი და კეტი ერთმანეთს კარგად უგებენ, - აცხადებს წყარო, - მათი ახლო ურთიერთობის გამო ტორის "გელფრენდმა" ეჭვიანობაც კი დაიწყო და გასტროლებზე თან გაჰყვა".
მომღერალმა კეტი პერიმ და ტელეწამყვანმა რასელ ბრენდმა 2010 წლის 23 ოქტომბერს ინდოეთში, რაჯასტანის შტატის ერთ-ერთ სასტუმროში ქორწილი ტრადიციულ ინდურ სტილში გადაიხადეს. დედოფლის მეჯვარე მისი საუკეთესო მეგობარი, მომღერალი რიანა იყო.
|