ძმები გრიმების ცნობილი ზღაპრის ახალი ეკრანიზაცია სახელწოდებით "ფიფქია და მონადირე" უკვე ინტერნეტსივრცეში გამოჩნდა. კლასიკური ისტორიის განახლებული სცენარის მიხედვით, ფიფქია მეომარია, მონადირე კი მისი მოძღვარი, რომელიც გოგონას ბოროტი დედოფლის წინააღმდეგ ბრძოლაში ეხმარება. დედოფლის როლი შარლი სტერონმა შეასრულა, ფიფქია - კრისტენ სტიუარტმა, მონადირე კი კრის ჰემსვორტმა განასახიერა. კრიტიკოსების აზრით, სტერონის პერსონაჟი, რომელიც გაახალგაზრდავების მიზნით ფიფქიასგან სასიცოცხლო ძალებს "ისრუტავს", ძალიან მომხიბვლელად გამოიყურება. ჰოლივუდის ლამაზმანი ძველებური მდიდრული კაბებით მაცდურად იწონებს თავს. ფილმს, რომელშიც მრავლადაა ბატალური სცენები, საშინელებათა ჟანრის ელემენტებიც არ აკლია. სურათი გაჯერებულია ურჩხულებთან ბრძოლის კადრებით, საშინელი გარდასახვებით, სამაგიეროდ სცენარისტებმა ადგილი სასიყვარულო სცენებსაც დაუთმეს. როგორც კრისტენ სტიუარტი იხსენებს, თავდაპირველად ფიფქიას როლმა ვერ მოხიბლა, მოგვიანებით კი გააცნობიერა, რომ ახალი ვერსია ტრადიციულზე უფრო საინტერესო იყო, გარდა ამისა, მსახიობს აბჯრითა და ხმლით კეკლუცობის იდეაც მოეწონა.