16 ნოემბერს Google–მა მუსიკალური მაღაზია Google Music წარმოადგინა, სადაც
მომხმარებელი სიმღერებს Android Market-ის დახმარებით შეიძენს. Google-ის
წარმომადგენლების განცხადებით კონტრაქტი ათასობით მუსიკალურ
წარმომადგენელთან არის გაფორმებული, მათ შორის EMI Music და Sony
Music-თან. მაღაზიაში 13 მილიონი სიმღერა იქნება წარმოდგენილი.
მომხმარებელს შესაძლებლობა ექნება ყიდვამდე ნებისმიერი კომპოზიციის 90
წამიანი „შესავალი" მოისმინოს. Google-ის მუსიკალური სერვისის საცდელი
ვერსია 2011 წლის მაისში გამოვიდა. მომხმარებელს საშუალება მიეცა 20
000-მდე მუსიკალური კომპოზიცია აეტვირთა საკუთარი კოლექციიდან და
ფლეი-ლისტი შეექმნა, რის შემდეგაც მუსიკა ნებისმიერი კომპიუტერული და
მობილური მოწყობილობისთვის ხელმისაწვდომი ხდება.